شرح سيلك رود للمبتدئين

 شرح سيلك رود للمبتدئين 


حاجة صغيرة بس قب ما ابدأ شرح:-

هاتلعب سيلكرود .... هاتحتاج تكون بنى ادم فاضى فاشل صايع ضايع ما وراكش حاجة
لانها عبارة عن سفنجة وقت ... من اكتر الالعاب اللى بتشد و خصوصا ان مالهاش نهاية




ام هند نخش فى الشرح:-


سيلكرود دى لعبة من انواع الالعاب المسماة MMORPG 
اى Massive Multiplayer Role Playing Game
اى انها لعبة اونلاين بتعمل فيها شخصية خاصة بيك انت
انت بس اللى بتحدد ملامح الشخصية دى من الالف للياء
س :- ملامح زى ايه يعنى ؟؟ مناخير و بق و بتاع؟
ج :- ملامح يعنى شكلها مبدأيا .. لبسها ... سلاحها .. قوة دفاعها ..
قوة هجومها .. الخ الخ ماتستعجلش انك تعرف كل حاجة مرة واحدة


س :-و بعدين ؟؟ ايه الهدف ؟ هاعمل ايه بالشخصية ؟؟ هالعب بيها ف مناخيرى مثلا؟
ج :- ابدا ... اللعبة بتديك حاجات كتير ممكن تعملها بالشخصية كوسيلة للترفيه


س :- امثلة طيب؟
ج :- 1.تقدر تقتل وحوش علشان مستوى الشخصية يزيد "Lvl Up "
2. تلاعب واحد زيك و تموتوا فى بعض علشان تشوفوا مين الاقوى " PVP "
3.تعمل مهمات معينة فى اللعبة اسمها "quests" و بتديك جوايز مختلفة و كتيرة
4.تعمل تاكسيات و تلم جولد"Gold" فى اللعبة اللى ممكن يتباع بفلوس حقيقية لو انت غاوى
5.الفورترس وار Fortress War او حرب الغابة ودى فى رأيى اعلى متعة فى اللعبة
6. كان فيه قبل كده نظام Theif Trader Hunter كنت ممكن تعمل
من خلاله تجارة تجيب جولد برده و كانت ممتعة بس للأسف النظام اتغير خالص
7.ال arena و ال Styria Clash و ال Forgotten World


س :- بس بس واحدة واحده كده ... يعنى ايه كويست و التاكسى و الفورترس وار و التجارة ؟ فهمنى
ج :- لا مش ده المكان المناسب لشرح الحاجات دى ...
بس انا هاديك لينكات مواضيع تانية مشروح فيها الحاجات دى .....
بس ماتفتحهمش دلوقتى ... كمل بس هنا الاول و بعد كده ابقى قلب فى دول

خد فطيرك >> 
•.•´¯`•)» (كل ما تريد معرفته عن SilkRoadOnline) «(•´¯`•.•



س :-طيب انا عجبتنى اللعبة مبدأيا ..... اعمل ايه دلوقتى ؟
ج :- 1. اعمل حساب "Account" على موقع اللعبة "JoyMax"
زى اللى هنا كده 
طريقه التسجيل فى silkroad online
.•°« طريقة عمـــل أكونتـ جديد في سيلكـ رود »°•.
حصريا: طريقة عمل اكونت جديد في Joy Max
2. نزل اللعبة من هنا
• > حـــصريا : تـحميل كلينت سـيلكرود - V_1.346 . . : - Silkroad Online Client • <
او ممكن تحملها من الموقع الرسمى للعبة Joymax.com
3.افتح اللعبة و اعمل الشخصية زى اللى مشروح هنا
طريقة عمل شخصيه جديده في اللعبه(Character)


س :- اعمل انهى شخصية ؟ صينى ولا اوروبى ؟
ج :- ماليش فيه ... ده مش مكان شرح الفرق بين الاتنين ...
محتار ؟ قلب بنفسك فى الشروحات و دور لحد ماتلاقى اللى يعجبك ...
مافيش نوع شخصية افضل من التانى بشكل مطلق ...
اللى كويس فى حاجة بيكون تعبان فى التانية ...
بحيث يبقى فيه توازن بين الشخصيات ...
الفكرة انت بتحب ايه .
و علشان كده انا بنصحك تعمل شخصية تجريبية كده لمدة شهر
تعك فيها براحتك لحد ماتفهم اللعبة كويس.


س :- يانهار اسود ... شهر بحاله تجربة .... ليه هو انا هافضل العبها سنة ؟
ج :- لا و انت الصادق ... سنين .. انا شخصيا بقالى اكتر من خمس سنين و بطلت اعد
مش قلتلك انها سفنجة وقت.

نكمل >> 

4.ادخل على الشخصية و ابدأ يا سيدى

س :- طب انا ابدأ بأيه؟
ج :- انا هاقولك ... بص انا هاشرحلك الاساسيات بس هنا
و هى كالاتى:-
1.Inventory
دى الشنطة بتاعتك و بتظهر لما تضغط حرف i
و ممكن تحط فيها اى حاجة خاصة بالشخصية ... مش هاقولك زى ايه
و تنقسم لنصين >>
النص الشمال و ده بتحط فيه اى حاجة ..
و النص اليمين ده اللى بتحط فيه اللبس بتاعك او السلاح علشان تلبسه

 


2.Storage
و ده المخزن او البنك بتاعك .. عامل زى الشنطة كده بس اوسع بكتير
و ماينفعش تفتحه الا لما تكون فى المدينة و تكلم ال NPC بتاع البنك





3.Set
اى اللبس بتاع الشخصية
سواء كان لبس معتاد او لبس الوظيفة و الافاتر و كمان السلاح.
و قبل ما تسال انا هاقولك :-

اللبس العادى ... من اسمه لبس عادى و اساسى و مهمته انه بيديك قوة دفاعية

و لبس الوظيفة عباره عن لبس مع اللبس العادى و له نوعين :- لبس طياد و لبس حرامى ...
حسب وظيفتك >> صياد او حرامى . و ده مابيظهرش على الشخصية لو لبسته او قلعته
لكن بيديك دفاع برده فوق دفاع اللبس العادى

و الافاتار :- لبس اضافى فوق اللبس العادى و لبس الوظيفة
و ده لو انت لبسته >> بيغطى على شكل اللبس العادى
و هو اللى بيظهر على الشخصية .. و له مميزات اضافيه
مش موجوده فى اللبس العادى او لبس الوظيفة و علشان كده غالى.










4.Skills/ Attacking
السكيلات او المهارات .. و دى بتظهر بالضغط على حرف s
وظيفتها انك بتستخدمها علشان تضرب بيها .. الوحوش او اللاعبين التانيين فى ال PVP
دى انواعها كتير حسب نوع شخصيتك . و مش هاشرح اكتر من كده.
محتاج تعرف اكتر ؟ اتفضل >> ۩(●̮●)۩_شّرحً تُزوِيّدُ ٱلٱسًكلٱتُ للمبتدئين على ṩἶlƙ ʀὄᾄḋ_۩(●̮●)۩






5.Character Window
بتظهر بالضغط على حرف ال C
بيبان فيها معلومات عن شخصيتك زى دمها "Health Power" و قوتها "Mental Power"
و قوة الهجوم و قوة الدفاع و الخ الخ ..
حاجات صعبة عليك دلوقتى و مش مهمة اساسا فى الوقت الحالى




6.Cities
هما 6 مدن فى اللعبة جواهم كل ال NPC اللى هانتكلم عنهم بعدين
و المدن دى اماكن امنة مافيهاش وحوش و تقدر تشترى منها الحاجات
اللى هاتحتاجها زى اللبس او الصحة
و كل مدينة هواليها مناطق واسعة مليانة وحوش .
المدن هى :- Alexandria - Constantinople - Samarkand - Hotan - Donwhang - Janjan
عاوز تعرف اكتر ؟ اتفضل ده خرائط كاملة لمدن Silkroad +أماكن ظهور الUnique و أماكن الMobs +Alexandria M

7.Teleporting
للإنتقال من مدينة لمدينة. و بيكون غالبا فى منتصف المدينة.
بتضغط عليه و تختار المدينة اللى عاوز تسافرلها
و فيه Teleport برده من مناطق وحوش لمناطق وحوش تانية
مش بس من مدينة لمدينة .. و لو مش عاجبينك .. ممكن تاخدها مشى





8. NPC
يعنى Non Palying Characters
يعنى شخصيات لا تلعب :- دى شخصيات اللعبة نفسها اللى حاطاها .. مش ناس زيك اللى عاملينها و بيلعبوا بيها يعنى
و دول وظايفهم كتير اهمها و اللى يلزمك تعرفه :- انهم بيبيعوا لبس و سلاح و صحة و كمان ممكن يدوك مهام لو نفذتها تاخد عليها جوايز.
عاوز تعرف اكتر عنهم .. اتفضل
«₪۩ ۞§…۞ ۩₪ كــل مــا تــريــد مــعــرفـتـه عــن الــــ npc «₪۩ ۞§…۞ ۩₪

8.Quests
اللى هى المهام اللى بتاخدها من ال NPC و تنفذها و تاخد عليها جوايز.
و قايمة الكويستات اللى معاك ممكن تظهر بالضغط على حرف Q
المهام غالبا بتكون قتل عدد معين من الوحوش - ده كمثال للتوضيح.
عاوز تعرف اكتر ؟؟ اتفضل ده •.•´¯`•)» ( كل ما تريد معرفته عن الــ QuestS ) «(•´¯`•.•




10.Party / Party Matching
البارتى دى عبارة عن تجمع ل شخصين او اكتر ... لحد 8 اشخاص
و ده لازمته ان اعضاء البارتى يقدروا يقتلوا الوحوش اسرع و اسهل
و فى نفس الوقت يحموا بعض من ان الوحوش تموتهم
و بالتالى بيقدروا يزيدوا فى المستوى Level
اسرع بكتير من ان كل واحد يهاجم الوحوش لوحده
نافذة البارتى اللى بيبان فيها اعضاءها ممكن فتحها بالضغط على حرف P
عاوز تعرف اكتر ؟ اتفضل الـشـرحـ الـكـامـل للـ Party Form الـمـثـالـيـة
شرح مبسط للينيون بارتى Union Party

و ال Party Matching عبارة عن سجل يحتوى للإعلان عن اى بارتى انت مكونها و لسه ماكملتش اعضاءها
يعنى لو انت عملت بارتى و عددكم لسه 5 او 6 و عاوز تكملها ل 8 اعضاء ...
تقدر تسجل فيها و تكتب انت عاوز شخصيات كمان معاك ..
و بكده كل اللى بيلعبوا يقدروا يشوفوا انت كاتب ايه
لما يفتحوا نافذة ال Party Matching بالضغط ببساطة على حرف E
*سيتم وضع صور هنا*

11.Events
اى الاحداث :- و دى فيه منها كتيييييير قوى و كل كام شهر سيلكرود بتعمل واحد منهم او 2
لكن انت كمبتدئ .. انا اقصد اعرفك على حدث بسيط جدا بيحصل فى سيلكرود كل ساعة الا تلت تقريبا
اسمه Capture the Flag Event و شرح الحدث ده هاكتبه فى موضوع تانى ان شاء الله و احط اللينك هنا

12.Chat
اى المحادثات بينك و بين اللاعبين الاخرين
* سيتم استكمال هدا الجزء قريبا*
*سيتم وضع صور هنا*

13.Exchange
اى التبادل و التجارة مابينك و بين اللاعبين الاخرين
يعنى ممكن تكون مزنوق فى حبة قزايز صحة مثلا و مكسل ترجع المدينة ف تاخد من واحد جمبك
او لو شفت مع حد حاجة عاجباك ممكن تشتريها منه و تديله بدالها دهب Gold او اى حاجة بدالها
كده يعنى
*سيتم وضع صور هنا*

14.Drops
يعنى اى حاجة تقع من الوحوش اللى انت بتموتها
و دى 6 انواع :- زبالة - لبس او سلاح Items - اليكسرات Elixirs هاشرحها بعدين-
دهب Gold - توكنات Tokens - حجارة Stones برده هاشرحها بعدين 




15.Alchemy System
اى الكيمياء ... نافدة كده بتظهر بالضغط على حرف ال Y
تتيح لك عمل كيمياء على ال Items لبس او سلاح باستخدام الحجارة او الاليكسرات
و الفايدة من كده ان ال Item بيبقى اقوى و احسن و بيحسن من هجومك و دفاعك
و كفاية عليك كده فى النقطة دى.
عاوز تعرف اكتر ؟ اتفضل
Alchemy
♥ ۝ண√ الـمـوضــوعـ الشـامـلـ عن جمــيــعـ الاســـتـــونـز √ண۝ ♥
(*) (*) كل ما تريد معرفته عن الـ Advnaced Elixir (*) (*)
۩(●̮●)۩شرح كـــــامل لD12&D13 Upgrades وجميع وظائف الStones‏(۩(●̮●)۩

17.Server Inspection
ده يا سيدى عبارة عن فحص كامل شامل من قبل الشركة Joymax لجميع سيرفرات اللعبة كصيانة
و بيتم كل يوم ثلاثاء الساعة 7 صباحا و بيقعد حوالى 3 ساعات و فى بعض الاحيان لحد 12 ساعة
خلال فترة الفحص دى السيرفرات بتكون مقفولة و مابتقدرش ساعتها تفتح اللعبة.
و الموقع ده http://www.rev6.com/servercapacity/ بيكون فيه اول باول حالة السيرفرات
ممكن تستفيد منه علشان تعرف لو كانت اللعبة خلصت فحص و السيرفرات فتحت تانى ولا لسه.